The art of self-preservation.
2008 er godt i gang. Juletida passerte utan store problem. I år feira eg heime hjå mor, ho brilljerte som vanleg med kokkeleringsskillz, og me fekk servert god mat i rikelege mengder kvar einaste dag. Så litt feitare og godt nøgd returnerte eg til bartebyen for å ta fatt på eit nytt år med arbeid, bridge og sosial omgang med vener av varierande kvalitet. Spørsmålet er om det nye året vert trivelegare enn det førre. Lat oss håpe det.
Tidlegare denne veka var vår gode venn E. Skjetne på “tråden” på verdsveven
ES “Du, atte, har du tenkt å spela vårtevlinga på Heimdal lissom?”
MH “Igrunn ikkje, men sjølvsagt, viss du spør fint, så kan eg alltids stilla opp.”
ES “Ja, pliis. Ingen andre som vil spela med meg.”
MH “Åkei, då sei me det sånn, men då må du lova å spela som folk.”
ES “ofc. Du skaffar skyssen, så melder eg oss på”
Første spelekvelden gjekk av stabelen Torsdagen. Kay Strand var ikkje vanskeleg å be om skyss, og skjetne hadde klart å få meldt oss på, så me slapp sjikane frå leiar Hjellemarken då me møtte opp påmelde og i rett tid.
Første runda møtte me navnebror Tilset og makker Hans Noreng. Triveleg som alltid. Låtten sat laust kring bordet medan eg og Skjetne fekk kasta etter oss kasse etter kasse. Berre mot vår makker frå krinsserien, kvalen, sat poenga lausare. Kvalen forøvrig i tospann med gode Daniel Ueland. Ein spanande samansetning.
Så kom etterkvart andrerunden. Det skulle visa seg å verta eit intenst oppgjer mot A. Livgård og P. Eide. Alltid eit spanande par å møta.
Tidleg i leiken sitt du i andrehand, gunstig sone, og får utdelt følgande veike fordelingshand:
BLAKK
Toa femte.
KJ109tjuktsjette.
To små.
Pete “the beat” Eide finn ikkje anna bod enn pass i fyrstehanda, og sia du ikkje har noko beskrivande bod i systemet, følgjer du opp med ein pass. Livers slengjer på ein spar, makker passar, og Petter melder 2 rutt, alertert. Du spør nyfiken kva dette bodet skal tyde, og Livers mumlar noko om 4kort sparstøtte og gode kort. “Dette må du vel skjønne?”.
Javel, kva no. Noko lyt ein gjera. Først og fremst lyt ein ta seg tid, slik at uansett kva ein byr så må makker skjøna at det ikkje er opplagt. Ein kan jo dubla for å syna at ein er tåleg bra utstyrt i rutt, men det kan jo godt skje at ein skal ut å stampa mot ein evt. utgang i desse sonetilhøva, så valget fell på 2sp, hjart og ein minor.
Stogg-3sp-værsego frå livers, og a tempo X frå makker. Pass frå Eide, og din tur att. No kan ein jo ta seg tida til å tenkje gjennom possen, freiste å skjøne kva hand denne makkern kan ha, og vurdere om ein kanskje skal plukke ut dublinga. Igrunn synest eg det er eit lite meldeproblem. Motparten er opplagt på minst 9kortstilpass, og mykje tydar på at dei har størsteparten av punktene. Makker fann ikkje noko bud i første runde, så han har ikkje noko grangopning. Håpet er at han har ei slags problematisk fordelingshand med nokre ess og stuttfarge i ein av dine langfargar. Men sjølv om makker har bortimot ideell hand i så måte så er jo di hand fri for inntak og stikk, er den ikkje?
Etter eit fornuftig resonnement fell valget på å plukka ut i 4 rutt.
Men nei, det var uheldigvis Skjetne som hadde utstyrt seg med desse korta, og han var så nøgd med grukken han hadde lagt inn før 2sp bodet at i denne possen orka han ikkje ein gang tenka, anna enn kanskje “makkers X makkers egg”.
Kontrakten sto sjølvsagt som eit segl. Eg valde sågar å dytta på eit overstikk, uten at det har stort å sei. Handa mi var aktuelt A87x, JT, Axxx, Axx. Ein noko tøff dubling, men påverka av sonetilhøva tok eg sjansen. Ein smellfeit tohundrelapp lokka i det fjerne. Eg trudde jo at makker kunne ta ut viss han var heilt fri. Den tabben skal eg ikkje gjera igjen.
Så til etterspelet. Eg vart sjølvsagt utledd av motstandarane for aksjonane mine på spelet, medan dei skrytte av Skjetne sine aksjonar på alle stasjonar. Dette må ein venta. Det er eit velkjend trix å freista skapa splid i motstandarane sine rekker, spesielt lønsamt då ein spelar mange spel mot same motstand. Dette veit sjølvsagt rutinerte Eide-Livgård å utnytte for det det er verdt når høvet byr seg.
Sjokket var at min gode makker heiv seg på i sjikanekoret og verkeleg gav meg huden full. Eg la meg sjølvsagt bakpå i kjent stil. “Orsak, eg burde sjølvsagt hatt AKJTx i spar og 2-3 ess utanom, tek det på mi kappe” “Ja det skulle berre mangla. Du organiserte kassa ut for eiga maskin der, ditt nek” small responsen frå Kvalpen Skjetne. Tøff som få når han har etpar tungvektarar til å bækka seg opp.
Greit nok, eg vart satt litt ut av balanse etter dette spelet, og fulgde opp med atter nokre stålegg, samtlige vart sjølvsagt slakta og utledd av alle kring bordet. Det heile enda med skandale. Minus fire påeng, og det elendigaste eg har prestert mot “Baywatch” Livgård på eit års tid. Men det var vel verdt det, dei andre såg ut til å ha det riktig så trivelig. Både denne runda og resten av veka.
Må forresten nytta høvet til å gratulera Livgård - Bodil Nyheim Øigarden med ein sterk andreplass i krinsmeisterskapen i Mix. Skjetne greidde middel, gratulerar til han òg. Sjølv deltok eg ikkje. Turde ikkje. Medan eg skriv avslutninga tikkar det inn resultatar frå ei tevling i Bodø, der samar og lagkameratar Bogen-LAJ har dribla seg inn til ein flott andreplass like bak verdsmeistrar Helgemo-Helness. Feltet, med mellom andre Kvist-Simonsen, enda langt bak.
